Израелската војска објави снимка од Појасот Газа на која се гледа високиот командант на Хамас, Мухамед Синвар, како вози автомобил низ тунелот откриен вчера.
Според ИДФ, изградбата на главната тунелска мрежа откриена во близина на граничниот премин Ерез ја водел Мухамед Синвар. Тоа е најголемиот тунел на Хамас досега откриен од израелската армија, пишува „Тајмс оф Израел“.
The IDF reveals footage obtained from the Gaza Strip showing senior Hamas commander Muhammed Sinwar, the brother of Hamas leader Yahya Sinwar, in a car driving through the major tunnel revealed earlier today by the military. pic.twitter.com/PPr0jOSKSp
— Emanuel (Mannie) Fabian (@manniefabian) December 17, 2023
„Ова е најголемиот тунел што го откривме досега. Тоа беше главен проект. Проценуваме дека е длабок 50 метри и долг четири километри, а најдовме и складирани RPG (ракетни гранати) и ‘АК-47’ (пушки). Од таму водат помали тунели“, рече контраадмиралот Даниел Хагари, портпарол на ИДФ.
Според Financial Times, тунелот најпрвин се спушта бавно и има доволно природна светлина за да се видат бетонски армирани ѕидови, плетка од електрични кабли и вентилациска цевка, која виси од ѕидот.
Веќе 30 метри понатаму воздухот станува топол бидејќи тунелот паѓа во темнина. Се спушта уште неколку метри пред да се приклучи на огромната подземна мрежа на тунели ископани од Хамас под Газа.