Можно е илјадници луѓе во западен Мјанмар да не знаат ништо за коронавирусот поради тоа што немаат пристап до интернет, пишува CNN.
Минатата година владата на Мјанмар остави девет градови без интернет поради загриженост дека се користи за потпалување конфликти меѓу војската и бунтовниците.
Околу 800.000 луѓе немаат пристап до интернет
Во еден град веќе има интернет, но во останатите осум, во кои живеат околу 800.000 луѓе сè уште има блокада до информациите. Организацијата Human Right Watch и Amnesty International тврдат дека поради тоа луѓето се во животна опасност. Не само заради тоа што немаат пристап до информации, што е потенцијално кршење на човековите права, туку и поради тоа што не знаат ништо за коронавирусот.
Во Мјанмар досега се потврдени 292 заразени
Според податоците од Министерството за здравство во оваа земја досега се регистрирани 292 случаи, 6 смртни случаи, а направени се 66.353 тестирања.
Како и во многу земји така и во Мјанмар се воведени строги казни за оние кои не ги почитуваат мерките. Воведен е полициски час, забранети се масовни собири и воведен е карантин за оние кои доаѓаат од странство.
За оние кои не одат во карантин пропишана е казна затвор, најмалку 500 луѓе меѓу кои и деца се осудени на затвор.