Водата се придружи на златото, нафтата и другите стоки со кои се тргува на Волстрит.
Тоа само покажува колку е ограничен овој ресурс и колку, и покрај тоа сознание, ние се грижиме за него.
Од оваа недела, земјоделците, хеџ фондовите и општините ќе можат да се обложуваат на потенцијален недостиг на вода, откако CME Group Inc. пушти на берзара фјучерси на калифорнискиот пазар на вода вредни 1,1 милијарди долари.
Според компанијата, фјучерсите ќе им помогнат на корисниците на вода подобро да управуваат со ризиците и посоодветно да одговараат на понудата и побарувачката.
Ова навистина не значи дека ќе се тргува со вода за пиење од цевките на комуналните компании, туку со договори во оваа област. Додека инвеститорите тврдат дека тоа е добар механизам за подобрување на ефикасноста на потрошувачката на вода, аналитичарите предупредуваат дека фјучерсите отвораат можност за вештачко покачување на нејзината цена.
Воведувањето на овие „водни“ фјучерси на финансиската берза беше најавено уште во септември, кога на западниот брег на САД беснееја пожари и топлотни бранови.
„Климатските промени, сушите, растот на населението и загадувањето веројатно ќе поттикнат големи зголемувања на цените на водата во наредните години“, објаснува Дин Дреј, аналитичар и директор на RBC Capital Markets.
Според Bloomberg, снабдувањето со вода е веќе голем проблем за две милијарди луѓе, а во следните неколку години може да стане проблем за две третини од глобалното население.
