Војната меѓу Израел и Хамас не се води само во Појасот Газа, туку и на сајбер полето. Во врска со ова, групата Хамас во понеделникот вечерта ја хакираше веб-страницата на фудбалскиот тим Макаби Тел Авив, најголемиот и најстариот клуб во Израел.
На почетната страница на Макаби беше објавена фотографија на Абу Убаида, портпаролот на вооруженото крило на Хамас, со покриено лице и натпис: „Алах, победата е близу“.
Веста ја објави израелскиот 12 ערוץ, со бројни слики од екранот пред да биде отстранета фотографијата. Истата судбина ја доживеаја уште два клуба - Хапоел Бе'ер Шева и Макаби Нетања.
Инаку, властите во Газа соопштија дека како резултат на израелската офанзива, речиси 70% од населението е насилно раселено и дека повеќето болници се вон функција.
Во соопштението се наведува и дека израелската армија од 7 октомври фрлила околу 30.000 тони експлозив врз Газа.
