Оставката на казахстанската Влада не успеа да ги смири повеќедневните протести поради зголемените цени на горивата, а денеска изби ново насилство во Алмати, најголемиот град во Казахстан.
Демонстрантите кршеа излози, прозорци на згради, палеа автомобили и ги блокираа улиците и железниците.
Безбедносните сили употребија шок бомби за да ги растераат демонстрантите.
Во земјата е прогласена вонредна состојба, а војската со метлана ограда ги заштити владините згради во Алмати. На улиците излегоа тенкови и оклопни возила.
Повеќе од 200 луѓе се уапсени, соопштија од Министерството за внатрешни работи. Во конфликтот се повредени 95 полицајци.
Кабинетот на претседателот претходно објави дека премиерот Аскар Мамин поднесе оставка, што значи дека целата влада ја напушти должноста, но министрите остануваат до формирање на нова влада.
Претседателот Касим Џомарт Токајев повика на воздржаност и воведе вонредна состојба во делови од земјата до 19 јануари.
На сила ќе стапи и ноќен полициски час.
