Бојан Миовски игра во фантастична форма. Сосега сезонава има постигнато 13 голови во шкотската Премиер лигата, а 7 од нив на последните 8 натпревари. Има и 2 асистенции. Постигјна и 2 гола во европските купови.
Нил Ворнок (76) синоќа дебитираше на клупата на Абердин. На дебито загуби на „Ајброкс“ во Глазгов од Ренџерс со 2:1. Единствениот гол за Абердин го постигна македонскиот репрезентативец Бојан Миовски.
По натпреварот Ворнок на прес-конференцијата не ги штедеше комплиментите за играта на Миовски.
„Му реков дека во Премир лигата не сум видел играч како него. Драго ми е што не беше продаден во зимскиот преоден рок. Сигурен сум дека сезонава ќе постигне 30 голови. Абердин ќе заработи многу кога ќе реши да го продаде“, рече тој.
Пред да му даде гол на Ренџерс, Македонецот во саботата го тресна и другиот шкотски гигант, Селтик, и тоа со прекрасен гол.
Миовски во шкотски Аберден се пресели летото 2022 година од редовите на унгарски МТК. Потекнува од штипска Брегалница, а во татковината играше и за Работнички, Македонија ЃП и Ренова. За репрезентацијата на Македонија има 20 натпревари и 2 гола.