WhatsApp е исклучително популарна апликација, но корисниците се жалаат на фактот дека ја намалува големината, резолуцијата и квалитетот на фотографиите, што е многу видливо.
Но, оваа мана конечно станува минато.
WhatsApp го најави доаѓањето на „HD фотографии“, што значи дека корисниците ќе можат да испраќаат и примаат фотографии во целосна резолуција.
Сега има опција Standard за квалитет на фотографијата, која овозможува побрз пренос и заштедува меморија, но со послаб квалитет. Меѓутоа, со допирање на иконата HD, можете да изберете да испраќате фотографии со повисок квалитет и без разлика на избраната опција, сите фотографии се заштитени со end-to-end енкрипција.
Новата функција полека се шири за сите корисници ширум светот, а тој процес би требало да трае неколку недели.
Исто така, од WhatsApp беше најавено доаѓањето на „HD видеа“.
