Meta, матичната компанија на социјалната мрежа Facebook, размислува да се повлече од европскиот пазар доколку повеќе не може да разменува податоци од европските корисници со САД, по пресудата Schrems II.
Компанијата на Марк Закерберг во поднесок до Американската комисија за хартии од вредност (SEC) наведува дека размислува за повлекување од европскиот пазар, а се зависи од пресудата Schrems II.
Во јули 2020 година, механизмот за пренос на лични податоци на Европејците во Америка, таканаречениот „Штит на приватноста“, беше прогласен за незаконски.
„Штитот на приватноста“ е американски закон со кој на американските власти им се дава право да собираат лични податоци за субјекти во Европската Унија, без, како што тврди Судот, соодветни заштитни мерки.
Сепак, Facebook се заканува дека едноставно ќе се повлече целосно од Европа доколку повеќе не може да споделува податоци за европските корисници со своите операции, апликации и центри за податоци во САД.
Додека Европскиот суд на правдата наведува дека личните податоци се помалку заштитени во САД отколку во Европа, Facebook вели дека запирањето на трансатлантскиот пренос на податоци ќе има катастрофален ефект врз неговите можности за насочено онлајн рекламирање.
