Екипажот на една британска јахта сведочи за напад од јато китови-убијци во во близина на Гибралтар.
Екипажот го снимил моментот кога неколку китови пливале крај бродот, а потоа почнале да кружат под него. Набргу потоа китовите го почнале нападот којшто траел 2 часа, а во еден момент го уништиле кормилото на луксузната јахта.
Екипажот за задача имал луксузната јахта да ја префрли од Кент до Грција, но по нападот биле принудени да влезат во пристаништето во Гибралтар за да ја санираат штетата на бродот.
Луѓето објаснуваат дека штом китовите тргнале во напад, веднаш ги исклучиле моторите со надеж дека китовите ќе продолжат по патот. Но, тие и понатаму продолжиле со нападот по што луѓето забележале дека зад чамецот се изгризани парчиња од кормилото.
„Во еден момент се оддалечија и мислев дека си заминаа, но потоа повторно се вратија. Морам да признам дека се уплашив“, вели Мартин Еванс.
