Полицијата поднесе кривична пријава против 63-годишен жител на село Чегрене поради основано сомневање дека во мај 2019 година од соселанец зел 1.500 евра, ветувајќи му дека ќе го вработи син му во државна фирма.
Надворешната канцеларија за криминалистички работи Гостивар поднесе кривична пријава против 63-годишниот Н.М.(63) од село Чегране поради постоење основано сомнение за сторено кривично дело „измама“, информираат од МВР.
– Пријавениот во мај 2019, со намера да прибави противправна имотна корист, го довел во заблуда оштетениот Ј.А.(64) од Гостивар, ветувајќи му дека ќе го вработи неговиот син во државна фирма поради што во два наврата му зел вкупна сума од 1.500 евра, а ветувањето не го исполнил, се вели во соопштението од МВР.
