Според мислењето на медицинската сестра Џејн Бари, постојат неколку јасни знаци кои покажуваат дека вашето дете е спремно да престане со спиење во текот на денот.
Време е за спиење, но вашето дете е сосема будно и активно
Доколку детето престане да ги трие очите во време на дневен одмор, тоа е еден од првите знаци.
„Ако вашето дете делува свежо и будно кога инаку би требало да спие, следете го тој знак. Важно е да ги препознаете знаците кои укажуваат на потребата за спиење. Во некои денови можеби сепак ќе му треба малку повеќе одмор и тишина“, вели таа.
Времето за спиење е многу подоцна од вообичаено
Секој родител го сака периодот на дневен одмор на детето, поради што настојува да го продолжи што подолго. Но, ако детето го поместува ноќното спиење од 19 часот на 22 или 23 часот, тоа може да биде знак дека попладневниот одмор не му е потребен.
Случајно сте го испуштиле попладневниот одмор, а детето нема испади до крајот на денот
Вашето дете толку добро се однесувало на детска забава или во супермаркет што воопшто не сте ни забележале дека не е спиено во текот на денот. Се подготвувате за неизбежна нервоза попладне или навечер, но изостанува до крајот на денот.
Промена во рутините
Секој период на раст или промени во рутините може да ја исфрли теоријата за укинување на дневниот одмор од колосек, поради тоа Џејн советува да бидете флексибилни и подготвени за адаптирање на потребите на детето.
Време за мир и тишина
„Сите деца можат да имаат корист од тоа да минат дел од денот во мир и во тишина“, вели Џејн.
Значи, ако вашето дете повеќе не одмора во текот на денот, немојте да ги занемарите предностите кои со себе ги носи времето минато во мир во собата.