Фудбалерите на Борусија од Менхенгладбах и Мајнц ги поделија бодовите на „Борусија-Парк“ во 28. коло од Бундеслигата играјќи нерешено 1:1, а домашните од пораз ги спаси феноменалниот голман Јан Зомер.
Искусниот 33-годишен голман правеше чуда на голот на Борусија, со што ја потврди одличната форма во играњето за германскиот клуб, но и за швајцарската репрезентација.
Борусија поведе од 33. минута со голот на Брел Емболо, исто така швајцарски напаѓач, додека Зомер од друга страна имаше нереални одбрани во вториот дел.
Успеа да го совлада Карим Онисиво за 1:1 во 73. минута, откако претходно двапати го спаси својот тим.
Исто така, на минута пред крајот на натпреварот тој двапати реагираше рефлексно во ситуација кога сите ја видоа топката во мрежата, па останаа конечните 1:1.
Борусија моментално е на 12. место во Бундеслигата, додека Мајнц е на 10. позиција. Во следното коло екипата од Менхенгладбах ќе игра против Гројтер Фирт, а Мајнц против Аугсбург.
