Кога дел од телото ќе почне да ве чеша, сфаќате дека сте биле мета на комарци. Сепак, ретко ќе го почувствувате моментот на самиот убод.
Докторот Сермед Межер од Лондон ја открил причината зошто не чувствуваме кога нѐ каснува комарец. Имено, како што објасни тој, причината е што плунката од комарец има слични својства како анестетик.
„Со убодот од инсект започнува вбризгување на локален анестетик во кожата, така што нема да го почувствувате. Шест игли влегуваат во кожата, од кои една ја пробива кожата, а друга открива и пие крв од крвните садови“, вели рече.
Межер наведува дека може да поминат минути или часови додека не почувствуваме каснување од комарец.
„Каснувањето од комарец е толку ефикасно што комарецот ќе го снема додека да сфатиме што се случило. Само женските комарци каснуваат бидејќи им треба дополнителна храна за да ги нахранат своите млади. Комарците еволуирале за да имаат одлична способност да пронаоѓаат крвни садови и цицаат крв без да предизвикаат значителна штета или непријатност“, додава тој.
Колку и да се трудите да ги избегнете комарците и колку и да користите разни препарати, тие буквално се лепат до некои луѓе. Патот до „жртвата“ не е комплициран, а женските комарци ги следат облаците богати со јаглерод диоксид, гасот што го издишуваме. Според експертите, комарците избираат кого да каснат врз основа на видот и количината на пот што ја произведуваме.
Важно е да се напомене дека комарците ги следат луѓето по мирис. Женките ги користат сите сетила за да одлучат дали сакаат да каснат некого или не. Јаглерод диоксидот што луѓето го издишуваат заедно со разни хемикалии создава мирис што комарците го мирисаат дури и кога се оддалечени 30 метри од личноста.
