Откриени се најчестите причини зошто не достигнувате кулминација за време на интимните односи.
Британската експертка за интимни односи Трејси Кокс ги наведе двата најголеми проблеми кои жените ги имаат во кревет, а кои ги спречуваат целосно да уживаат, па сподели и совети кои ќе им помогнат да ги надминат.
Кокс истакнува дека првото нешто за кое жените треба да престанат да се грижат за време на интимниот чин е изгледот. Таа зборуваше за големото истражување кое ја откри врската помеѓу изгледот на телото и задоволството од интимните односи. Научниците открија дека една од десет жени доживува анксиозност поради опуштени гради, прекумерна тежина или „несовршено“ тело. Ова, пак, негативно влијае на нејзината возбуда, желба, зачестеност на оргазми и сексуални односи.
Кокс нагласи дека ако жената се срами од своето тело и го смета за грдо, таа се спротивставува некој да ја гледа или да ја допира. Само прифаќањето себеси со сите ваши маани, еманципација и внатрешна слобода ќе го подобри квалитетот на вашиот интимен живот. Кокс ги советуваше жените почесто да имаат односи, повеќе да се занимаваат со љубовната игра, да не се плашат да преземат иницијатива и да му кажат на партнерот што сакаат и што им треба.
Како друг чест проблем, Кокс ја наведе прекумерната загриженост на жените за оргазмот. Сепак, според нејзиното мислење, кулминацијата за време на интимноста не е крајната цел, туку само „десерт на крајот од добрата вечера“.
Оргазмот се случува кога сме среќни, опуштени, на вистинското место и не чувствуваме никаков притисок. Ваквите идеални околности не се случуваат често, а сепак продолжуваме да се нервираме што не доживуваме експлозивни оргазми редовно.
Наместо сексот да биде цел сама по себе, Кокс вели дека е поважно да уживате во задоволството од врската. Во исто време, доколку навистина сакате да дојдете до кулминација за време на „акцијата“, секогаш можете да користите вибратор како дел од љубовната игра, додаде таа.