Renault поседува 68 отсто од акциите на AvtoVAZ и брендот Lada во Русија, па јасни се причините зошто француската компанија сè уште е присутна таму.
Додека западните брендови ја напуштаат Русија поради војната во Украина, Renault останува.
Со овој сопственички удел, Renault контролира приближно 30 отсто од автомобилскиот пазар во земјата и има 40.000 локални работници. Она што ја прави ситуацијата уште покомплицирана е фактот што француската влада поседува 15 отсто од акциите во Renault.
Извори од Renault изјавија за Auto News дека се двоумат дали да се повлечат од Русија поради високите трошоци и сакаат да избегнат национализација на AvtoVAZ.
Некои независни експерти најавуваат дека Renault нема да ја напушти Русија.
Русија најави дека ќе ги национализира компаниите кои решиле да го напуштат тој пазар.
Француската влада не зборуваше за односите на Renault во Русија. Францускиот министер за финансии Бруно Ле Мер изјави дека приватните компании се слободни да изберат одлука за бизнис во Русија, но само доколку строго и ригорозно се придржуваат до санкциите.
