Членовите на семејството на Каилиа Поуси потврдија дека таа се самоубила.
„Иако беше успешна тинејџерка, на која ѝ претстоеше светла иднина, таа донесе избрзана одлука да стави крај на својот живот“, изјавија тие за TMZ.
Нејзината мајка Марси Поуси Гатерман претходно објави потресна вест за нејзината смрт на својот Facebook профил.
„Немам зборови. Прекрасното девојче го нема. Ве молиме почитувајте ја нашата приватност додека жалиме за загубата на Каилиа“, напиша таа.
Каилиа дипломираше пред само неколку дена. Таа стана позната благодарение на шоуто „Toddlers & Tiaras“, кое се емитуваше на TLC од 2009 до 2013 година. Во емисијата беа прикажани животи на девојки кои учествуваа на натпревари за убавина.
