Се ближи крајот на годината, а популарната страница 9GAG објави 10 ситуации кои станаа вирални на интернет во 2022 година.
На листата се најде и оскаровската шлаканица на Вил Смит кој го удри Крис Рок на доделувањето на Оскар наградите, сведочењето на актерката Амбер Херд од судењето со Џони Деп, сцена од четвртата сезона на серијата „Stranger Things“ и други ситуации кои луѓето ги изгледаа безброј пати во текот на оваа година.
Иако објавата има над 60.000 лајкови, листата за многумина е разочарувачка.
„Ова веројатно било популарно во САД, но јас половина од ситуацииве воопшто не сум ги видел“, „Видеово мора да го има направено некој Американец“, „Изгледа не сум пропуштил многу“, стои во низата реакции под видеото.
Страницата 9GAG ја следат скоро 60 милиони луѓе од различни делови на светот, па затоа многумина се незадоволни што листата содржи само сцени и ситуации популарни во Америка.