Официјални Баку и Ереван мора да ги усогласат клучните точки што ќе овозможат стабилизирање на ситуацијата во спорниот регион Нагорно-Карабах.
Ова на прес-конференцијата го рече министерот за надворешни работи на Русија, Сергеј Лавров и потсети дека објавата од официјална Москва за настаните во Нагорно-Карабах значи токму тоа.
„Неопходно е, на начин достоен за внимание, да се забрзаат напорите за политичко решавање на проблемот“, нагласи Лавров.
Азербејџан и Ерменија веќе 23 дена се во војна околу Нагорно-Карабах, регион што „де јуре“ е во рамките на Азербејџан, но под „де факто“ контрола на Ерменија, а двете страни меѓусебно се обвинуваат за ескалација на ситуацијата и кршење на нововоспоставеното примирје.
Првиот договор за прекин на огнот стапи на сила на 11 октомври, а интензивните судири продолжија. Нов прекин на огнот беше постигнат во саботата под посредништво на Франција, стапи на сила во недела, на 18 октомври, но сепак немаше целосен прекин на огнот, при што и двете страни се обвинуваа меѓусебно за кршење на договорот.
Азербејџан објави и официјални податоци за бројот на убиени војници, цивили, уништени возила и домови. Од друга страна, ерменските официјални лица објавија колку културни и образовни институции биле уништени од страна на Азербејџан. Тоа исто така значи дека на голем број ученици и студенти им е ускратено образованието.
