Квалитетниот сон е една од најважните работи за нашето здравје, а добар сон е исто толку важен како и здравата исхрана. За жал, многу луѓе страдаат од недостаток на сон, но и несоница.
За да може телото да се одмори и да ги наполни батериите за наредниот ден, му требаат во просек 7-8 часа непречен сон. Меѓутоа, понекогаш поради премногу обврски, но и стотина мисли во нашата глава, се чини дека е невозможно да заспиеме.
Она што го пиете пред спиење може да направи голема разлика во тоа дали ќе можете да заспиете, а некои пијалаци се препорачуваат како помош за да заспиете - веднаш штом ќе ја ставите главата на перницата.
Првиот и најпристапниот пијалак е дефинитивно водата. Многу луѓе чуваат шише со вода покрај креветот, а тоа не е без причина. Водата нема шеќер, ја гаси жедта и не содржи калории. Препорачливо е да ја консумирате повеќе во текот на денот, за да не се будите во текот на ноќта за одење во тоалет.
Билниот чај пред спиење ќе има смирувачки ефект врз телото. Посебно се препорачува свеж чај од босилек, кој го намалува нивото на хормоните на стрес (кортизол). Има и чаеви направени од камилица, валеријана, нане, кои се погодни за мирен сон, смирување и ослободување од стрес.
Топлото млеко пред спиење е исклучително ефикасно. Иако на многумина ова не им е омилен пијалак, за да го намалите вкусот на лактозата можете да го комбинирате со лажичка мед, каранфилче, цимет или куркума, која има антиинфламаторно дејство.
Незасладениот сок од вишна им помага на луѓето кои страдаат од несоница. Студијата спроведена на 50-годишни испитаници покажала дека оние кои пиеле сок од вишна двапати на ден успеале да спијат дури 84 минути подолго од оние кои не пиеле. Вишните се богати со состојки кои се поврзуваат со здравиот сон.
