По четири децении, легендарната шведска група ABBA го најави нивниот нов албум, како и серија виртуелни концерти кои ќе ги одржи во Лондон наредната година.
Албумот наречен “Voyage” ќе излезе на 5 ноември, соопшти бендот во официјалното соопштение. Вчера објавија и две од вкупно десетте песни кои ќе се најдат на албумот - "I Still Have Faith In You" и "Don't Shut Me Down”.
Виртуелните концерти од најавената турнеја ќе се одржат мо мај во Лондон, а ќе ги претстават дигиталните верзии на четирите ѕвезди.
ABBA има продадено повеќе од 385 милиони примероци од нивните албуми и беше на прво место на топ листите од Австралија до Америка, со низа хитови како "Waterloo", "The Winner Takes It All" и "Take A Chance On Me”.
Нивниот последен албум "The Visitors” беше издаден во 1981 година, а бендот се распадна година дена подоцна.
