Ноќеска се одиграа шест натпревари во НБА лигата, а љубителите на кошарката можеа да уживаат во феноменалната пресметка помеѓу Јанис Адетокунбо и Лука Дончиќ, која на крајот им припадна на Гркот и неговите Милвоки Бакс, кои го совладаа Далас Маверикс со 132:125.
Адетокунбо беше нерешлива енигма за одбраната на Маверикс, па натпреварот го заврши со неверојатни 40 поени, 15 скока и 7 асистенции, шутирајќи 18/26 од поле.
На другата страна Дончиќ беше на дофат на трипл-дабл со 35 поени и по 9 скока и асистенции, а блескаше и Кајри Ирвинг со 39 поени.
Ноќта ја одбележа и драматичната завршница на натпреварот помеѓу Голден Стејт Вориорс и Оклахома Сити Тандер, а по продолжение Тандер победија со 130:123.
Блескаше брилијантниот дебитант од Оклахома, Чет Холмгрен (поради повреда ја пропушти цела минатата сезона), кој со одличен кош со звукот на сирената на крајот од четвртата четвртина го спаси својот тим од пораз, а на крајот Оклахома стигна до победата.
Холмгрен запиша дабл-дабл постигнувајќи 36 поени и 10 скока, а неговиот тимски колега Шаи Гилгеус-Александер исто така се истакна со 40 поени. Ендрју Вигинс постигна 31 поен за Голден Стејт.
Виктор Вембанјама имаше лоша шутерска вечер при поразот на Сан Антонио Спарс од Мемфис Гризлис (108:120). Од поле шутираше очајни 6/17, а натпреварот го заврши со 19 поени и 13 скока.
Резултати:
Шарлот Хорнетс - Њујорк Никс 108:122
Њу Орлеанс Пеликанс - Минесота Тимбервулвс 120:121
Чикаго Булс - Мајами Хит 102:97
Милвоки Бакс - Далас Маверикс 132:125
Сан Антонио Спарс - Мемфис Гризлис 108:120
Голден Стејт Вориорс - Оклахома Сити Тандер 123:130 прод.
Табела:
