Нивото на отпорност на лековите за ХИВ е во пораст и итно е потребен нов пристап во лекувањето, а речиси половина од новороденчињата кај кои е дијагностициран вирусот се отпорни на нивното дејство, покажуваат најновите податоци на Светската здравствена организација.
„Според неодамнешните студии засновани на анкети спроведени во десет субсахарски африкански земји, речиси половина од новороденчињата со новодијагностициран ХИВ се заразени со тип на вирус кој е отпорен на постоечките лекови“, се вели во извештајот на СЗО.
Светската здравствена организација предупредува дека, иако антиретровирусна терапија се покажала како успешен супресив кој моментално се користи кај 27,5 милиони луѓе ширум светот (годишен пораст од 2 милиони луѓе), отпорноста на лекови продолжува да расте, додека сè поголем број земји се достигнуваат многу значителен праг на отпорност од 10 проценти.
Во извештајот се вели дека „рутинскиот надзор“ на отпорноста, кој се спроведува заедно со истражувањето за алтернативни третмани, ќе биде главниот начин да се обидеме да го намалиме преносот на ХИВ отпорен на лекови.
Минатата година, само 64 отсто од земјите со високо ниво на инфекција имаа национален акционен план за превенција, следење и одговор на форма на ХИВ отпорна на лекови.
Генералниот директор на СЗО, д-р Тедрос Аданом Гебрејесус истакна дека злоупотребата на антимикробни средства може да биде една од причините за резистентност.
Антимикробните агенси, вклучително и антибиотиците и антивирусни, антигабични и антипаразитски агенси, се столбот на модерната медицина.
Но, нивната прекумерна употреба и злоупотреба ја намалуваат ефикасноста на овие основни лекови, предупреди Гебрејесус.