Алек Болдвин и неговата сопруга Хиларија Болдвин го очекуваат седмото заедничко дете.
Среќната вест беше потврдена на Instagram, каде Хиларија објави видео на кое таа и Алек играат со нивните шест деца.
„По многу подеми и падови во изминатите години, имаме возбудлив напредок и големо изненадување, оваа есен ќе пристигне уште еден Болдвин. Бевме прилично сигурни дека нашето семејство е комплетно, но многу сме среќни со ова изненадување. Го споделувам овој момент со вас кога им соопштивме на децата – како што гледате, многу беа возбудени“, вели Хиларија.
Среќната вест парот ја потврди и за магазинот People, истакнувајќи дека едвај го чекаат раѓањето на детето.
„Една од најубавите работи што моите деца ја искусија во големо семејство е дека љубовта може да расте со секој нов член од семејството. Нашиот капацитет да сакаме продолжува да се шири и едвај чекаме да го прегрнеме нашето бебе оваа есен“, додаде парот.
Инаку, 64-годишниот Алек ќе стане татко по осми пат, тој од бракот со Ким Бесинџер има една ќерка.
