Бразилската манекенка Алесандра Амброзио на својот Instagram профил откри дека летува во Будва, а откако ја одбележа локацијата на која престојува сподели и неколку кадри од плажа.
Поранешниот ангел на Victoria's Secret на Instagram стори откри дека се одмара во елитниот станбен комплекс Dukley Gardens на црногорската ривиера.
„Стигнав на ова магично место точно на време“, напиша таа покрај снимка од зајдисонцето.
На фотографиите кои ги објави може да се види како позира во костим за капење и ужива на плажа.
Атрактивната Бразилка оваа пролет наполни 41 година, но сепак привлекува внимание со својата убавина и одличната фигура.
Славата ја стекна благодарение на ангажманите на модни ревии за американскиот бренд Victoria's Secret, што според магазинот Forbes ѝ донеле значителна заработка и ја вбројува во петте најплатени манекенки во светот.
