Со оглед на тоа што на многу луѓе не им се допаѓа одењето во теретаната за да одржуваат форма, алтернативните активности како што се градинарството, танцувањето на шипка, лизгањето и возењето ролери може да ги донесат истите резултати како и вежбите што се изведуваат под надзор на тренер.
Некои луѓе едноставно не сакаат да одат во теретана или долго, досадно џогирање на дожд, но тоа не значи дека треба целосно да се откажат од вежбањето.
Има безброј начини како да останете фит, без разлика дали се работи за испробување на нов спорт како нетбал или ММА, посетување професионални часови по танц на шипка или дури и салса со вашиот партнер.
Едноставно кажано, движењето на вашето тело е важно само по себе, а начинот на кој ќе одлучите да го направите тоа целосно ќе зависи од вашите интереси.
Така, вашата активност можете да ја надоместите со алтернативни форми на фитнес, како што се следниве:
Со грижата за цвеќињата и за вашиот двор, можете да го замолчите вашиот ум и во исто време да го направите вашето тело посилно. Копањето, движењето на земјата, носењето тешки кофи и возењето количка може да се вбројат како специфична форма на вежбање.
Во исто време, можете да се поврзете со природата додека поминувате време во вашата градина и дишете чист воздух.
Друга придобивка е тоа што за време на градинарството немате притисок правилно да ги изведувате вежбите, ниту пак сте оптоварени со тоа дали некој ве гледа или надгледува, како на пример тренер.
Иако не е секогаш достапно, теретаната можете да ја замените со лизгање, барем во зимските денови.
Неколку часа лизгање нуди некои големи придобивки за подобрување на рамнотежата, флексибилноста на зглобовите, менталното здравје, мускулната маса и моторната координација.
Освен тоа, ако не скокате и не се вртите, ова е кардио активност со мал напор што одговара на сите возрасти и многу услови.
Постојаниот напор додека ги користите рацете за да балансирате ќе го зголеми пулсот, а оваа активност се проценува дека е слична на одење по нагорница или лесно џогирање.
Танцувањето на шипка отсекогаш барало исто ниво на елеганција и вештина како гимнастиката и балетот. Иако овие предности некое време беа занемарени, тие дојдоа до израз во последните години бидејќи вежбањето од стриптиз-клубите се префрлија во студијата.
Танцувањето на шипка е комплетен тренинг за тело. Дури и на почетно ниво движењата се динамични и користат повеќе мускули одеднаш.
Многуте маневри бараат кревање и одржување на сопствената телесна тежина, па затоа е идеално за градење сила во мускулите на грбот, бицепсите, трицепсите и подлактици.
Според Меѓународната асоцијација за возење ролери, оваа активност го придвижува секој мускул во вашето тело и може да согори од 350 до 600 калории за еден час.
Возењето ролери е одличен пример за аеробни вежби, кои му помагаат на вашето тело подобро да го користи и управува со инсулинот. Возењето ролери ги зајакнува срцето и коските, го намалува нивото на гликоза во крвта, го ублажува стресот и го подобрува нивото на холестерол.
Кога станува збор за здравствени придобивки, тоа е еквивалентно на џогирање и помага во развојот на силата и градењето мускули.
