Поранешната најдобра фудблаерка во светот, Американката Меган Рапино, ја заврши кариерата со тешка повреда во третата минута од последниот професионален натпревар.
Средбата помеѓу ОЛ Рејн и Готам ФК во американската лига NSWL се очекуваше да биде емотивно збогување за добитничката на Златната топка за 2019 година и нејзината поранешна колешка од женскиот национален тим на САД, Али Кригер.
Но, забавата за пензионирање заврши ненадејно бидејќи Рапино падна во третата минута со бесконтактна повреда, се фати за ногата и со куцање излезе од теренот додека навивачите на стадионот Снепдрагон во Сан Диего и аплаудираа.
„Најлош можен исход. Не можете секогаш да имате совршен крај“, им изјави Рапино (38) на новинарите по натпреварот во кој најверојатно ја скинала Ахиловата тетива.
Рапино дебитираше во 2002 година, има освоено две светски првенства (2015 и 2019 година), Златна топка (2019) и златен олимписки медал (2012) и статус кој го надминува нејзиниот спорт.
Рапино го искористи својот успех како платформа за правата на ЛГБТ+ луѓето, против полициското насилство врз црнците во САД и борбата за еднаква плата со машката репрезентација на САД.
