Реал Мадрид го победи Милан во подготвителниот натпревар на гостувањето во Соединетите Американски Држави, а Лука Модриќ беше еден од хероите на славјето на шпанскиот тим.
Хрватскиот играч за врска влезе во игра на почетокот на вториот дел и асистираше за конечни 3:2.
Победничкиот гол со негова асистенција го постигна Винисиус Жуниор во 84. минута и со тоа го заокружи пресвртот на Реал кој на полувремето губеше со 0:2. Фикајо Томори во 25. минута и Лука Ромеро во 42. минута погодија за Милан, а Федерико Валверде го израмни резултатот со головите во 57. и 59. пред фантастичната асистенција на Хрватот и одлучувачкиот гол на бразилскиот мајстор.
Реал го започна натпреварот во формација 4-3-1-2 со Валверде, Тони Крос и Едуардо Камавинг пред Лукас Васкес, Едер Милитао, Начо и Ферландо Менди. Пред тројцата и зад Хосеалу и Брахим Дијас кои беа во нападот, на негово место дојде Џуд Белингем.
„Ми се допаѓа како игравме, но сепак има некои работи што треба да се модифицираат во овој систем. Белингем одигра добро, тимот мора да се навикне на неговиот квалитет. Тој е фантастичен. Во системот во кој го одигравме овој натпревар, тој ќе биде позицијата ‘десетка’, а ако играме 4-3-3, тој ќе биде на десната страна“, рече Анчелоти и додаде:
„И Нико Паз може да ја игра ‘десетката’. Модриќ и Ѓулер исто така можат да играат, но најдобар за таа позиција е Белингем“.