Анџелина Џоли го посети Капитол Хил во средата за да ѝ помогне на двопартиската група сенатори да воведат нова верзија на Законот за насилство врз жените во САД.
Актерката, режисерка и активистка едвај ги задржа солзите во нејзиниот емотивен говор.
Џоли, која отиде во Вашингтон заедно со ќерка ѝ Захара, беше преплавена со емоции кога се обрати на масовно посетената прес-конференција и го осуди „молкот“ на Конгресот по ова прашање, бидејќи тие не го усвоија повторно нацртот речиси една деценија.
„Најмногу сакам да им оддадам почит на децата кои се преплашени и страдаат во моментот, како и на многу луѓе за кои овој закон доаѓа предоцна“, рече актерката со растреперен глас.
„Жените кои поминаа низ овој систем со мала или никаква поддршка и продолжуваат да трпат болка и траума поради злоупотреба. Младите кои преживеале злоупотреба и станале посилни, не поради системот за заштита на децата, туку наспроти него“, продолжи актерката.
„И жените и децата кои загинаа и кои можеа да бидат спасени“, рече таа.
Четворица сенатори ја отворија програмата - демократските сенатори Дик Дурбин и Дајан Фајнштајн и републиканските сенатори Џони Ернст и Лиза Мурковски, и рекоа дека веруваат дека нацрт-законот што го претставија може да добие доволно двопартиска поддршка.
Џоли, исто така, се сретна со шефот на Агенцијата за заштита на животната средина, Мајкл Реган, пред да се обрати на Капитол Хил - уште еднаш ги осуди пратениците што повторно не го одобрија законот од 2013 година.
„Причината поради која многу луѓе се борат да ‘заборават ситуации на злоупотреба’ е затоа што се чувствувале безвредни“, рече таа.
„Кога со тоа ќе дојде и молкот на Конгресот, кој е презафатен за да го обнови Законот за насилство врз жените една деценија, тоа го засилува тоа чувство на безвредност“, рече актерката.
