Како одговор на руската инвазија врз Украина, една од најпознатите хакерски групи во светот Anonymous соопшти дека „официјално објавила сајбер војна против руската Влада“.
„Тимот на Anonymous е во состојба на сајбер војна против Русија, се наведува во соопштението објавено синоќа на Twitter“, проследено со хаштагот #Ukraine.
Хакерите од Anonymous подоцна изјавија дека ја оневозможиле за употреба веб-страницата на рускиот телевизиски канал РТ Њуз.
Претходно, РТ објави дека се извршени DDoS напади врз нејзините веб-страници. Освен тоа, вечерта на 24 февруари имало проблеми со пристапот до веб-страниците на Кремљ, на Владата и на рускиот Парламент.
Структурата за сајбер безбедност на Федералната служба за безбедност (Национален координативен центар за компјутерски инциденти) прогласи „критично“ ниво на закана од сајбер напади во рускиот информативен простор поради „воената операција“ во Украина.
