Лионел Меси покажа како изгледа неговата сопруга Антонела кога се опушта со музика.
Аргентинскиот фудбалер Лионел Меси пред седум дена го освои Светското првенство во Катар, комплетирајќи ја колекцијата со последниот трофеј што му недостасуваше.
Веднаш потоа следуваше враќање во татковината и голема прослава на улиците на главниот град, со пријателите во Росарио, но и со неговото семејство - бидејќи Пари Сен Жермен му дозволи на Меси малку подолг одмор за да ги „наполни“батериите за продолжението на сезоната.
Меси слободното време го искористи да го прослави Божиќ со своите најблиски, а особено ужива со сопругата Антонела и реши да сподели на социјалните мрежи како изгледа кога ќе се опуштат.
Меси сподели видео на кое се Антонела, со која се заедно уште од средно училиште, како заводливо танцува на латино ритам. Има секако и чаша шампањ, за уште еднаш да наздрават за спортскиот момент на годината кој според многумина го „крена“ Меси на местото најдобар играч на сите времиња.
„Мојата сопруга Антонела има многу одлични квалитети. Навистина ѝ се восхитувам како се справува со секојдневните задачи, секогаш е расположена и секогаш ги решава проблемите. Многу е интелигентна и успешна во сите аспекти од животот", рече Меси во една прилика.