Пратеникот од редовите на Левица, Димитар Апасиев, со критика ја коментираше понудена оставка од министерот за здравство Венко Филипче.
Со оглед на тоа што министерот синоќа ја понуди својата оставка, а не поднесе неотповиклива оставка, тоа значи дека оставката може да не биде прифатена и тој и натаму да остане на министерската позиција.
Таквиот говор наиде на лавина критика од страна на претседателот на опозициската партија Левица, професорот Димитар Апасиев, кој на својот Facebоok профил напиша:
„Нас ли овие финти бе, министре?
Оставка се ДАВА како еднострана изјава на неотповиклива волја!
Оставка не се НУДИ на некој (во случајов премиерот т.е. Владата), па да оставаш шанса да не ти ја усвојат - како што, ваљда, сте се договориле за да ѝ замачкате очи на разгневената јавност. Оти, оставката од морални причини не зависи од ничија друга волја, освен од онаа на подносителот! Ама за тоа, треба да имаш етичка внатрешна вертикала и ДОБЛЕСТ која ти, за жал, не ја поседуваш“.