Компанијата Apple ја претстави и на своите купувачи им ја понуда MagSafe Battery Pack батеријата која е наменета за iPhone 12.
Се работи за магнетна батерија која чини 99 долари, а може да се нарача на веб-сајтот на Apple. Батеријата пристигнува за само неколку дена.
Аpple и претходно нудеше дополнителни батерии за iPhone, но новата се разликува по тоа што со мобилниот се спојува со помош на магнет.
Батеријата одговара на сите четири модели од серијата iPhone 12: iPhone 12, iPhone 12 Mini, iPhone 12 Pro и iPhone 12 Pro Max.
MagSafe нема копче за камера бидејќи се спојува само на задниот дел на уредот. Освен тоа, може да се користи и за полнење на AirPods слушалки и други уреди кои поддржуваат Qi безжично полнење.
Батеријата поддржува 5W полнење и бара update iOS 14.7.
