Основачот на WikiLeaks, Џулијан Асанж на 23 март, во присуство на 4 гости, ќе се ожени во затворот Белмарш.
Асанж ќе се ожени со адвокатката Стела Морис, која ја запозна додека живееше во еквадорската амбасада во Лондон. Парот има две деца.
Познатата британска дизајнерка Вивиен Вествуд дизајнираше венчаница за Морис, како и килт за Асанж, кој има потекло од Шкотска.
Церемонијата ќе биде организирана во затворот Белмарш, три години по апсењето на Асанж. Младоженците изјавија дека се многу возбудени и покрај многуте ограничувања – дозволени се 4 гости кои ќе мора да го напуштат затворот по завршувањето на церемонијата.
Парот ја чека одлуката дали ќе можат да изнајмат и фотограф.