Мал астероид кој навлезе во атмосферата на Земјата го осветли небото над Ла Манш и создаде неверојатен ефект „ѕвезда што паѓа“, пишува BBC.
Станува збор за астероид од 1 метар кој е забележан рано утринава. Корисниците на социјалните мрежи, од кои некои живеат на југот на Англија, споделија слики од астероидот, кој го доби името Sar2667.
Ова е седми пат како однапред се предвидува влегување на астероид во атмосферата. Европската вселенска агенција објави на Twitter дека тоа е „знак за брз напредок во глобалните способности за откривање астероиди“.
ЕСА претходно соопшти дека очекува „одредено влијание“ во атмосферата во близина на францускиот град Руан.
Меѓународната метеоролошка организација објави дека објектот ќе влезе во атмосферата на 4 километри од францускиот брег и ќе создаде ефект на „огнена топка“.
Последниот предвиден астероид влезе во атмосферата на небото над Онтарио, Канада минатиот ноември.