Експериментален лек на компанијата AstraZeneca, коктел од антитела против коронавирусот, спречува тешки форми на инфекција и смртен исход кај хоспитализираните пациенти, покажаа резултатите од студија во завршна фаза, соопштија од оваа британска компанија.
Лекот наречен AZD7442 го намалува ризикот од развивање тешки форми на инфекција и смртен исход кај 50% од пациенти со симптоми на COVID-19 на седум дена или пократко, пренесе Reuters.
„Раната интервенција со антитела може значајно да ја намали прогресијата на тешки форми на болеста, со континуирана заштита подолга од 6 месеци“, потврди Мене Пангалос, извршен потпретседател за биофармациски истражувања и развој во компанијата астра зенека.
Додаде дека компанијата ќе даде увид кај надлежните институции за сите податоци.
AstraZeneca исто така развива коктел од лекови за терапија на заболени кои немаат доволно силен имунолошки одговор, а се вакцинирани против корона. Минатата недела компанијата поднесе барање за итна употреба кај Американското регулаторно тело за храна и лекови.