Кросоверите и SUV моделите се многу попопуларни во однос на седан и хетчбек, а ова е уште една причина зошто некои од традиционалните сегменти полека исчезнуваат.
Сегментот на мали автомобили со мали трицилиндрични и четирицилидрични мотори со внатрешно согорување најверојатно веќе нема да се произведуваат, па така и од Audi потврдија дека ќе престанат да го произведуваат моделот A1.
Во интервју за Automotive News директорот на Audi Маркус Дуесман рече дека A1 нема да ја доживее следната генерација. Тоа не значи дека нема да постои некој мал модел кој ќе го носи логото на Audi, но дефинитивно нема да користи SUS мотор.
„Многу ќе зависи од финалниот Еуро 7 стандард. Знаеме дека ќе биде многу тешко да понудиме SUS мотори во малите сегменти бидејќи трошоците ќе растат. Поради тоа Audi A1 нема да има наследник“, рече Дуесман.
Со ова ги потврдија гласините кои се појавија уште во февруари оваа година кога Дуесман рече дека е скапо да се електрифицираат малите автомобили.
Кога ќе се пензионира A1, Q2 ќе стане влезниот модел на Audi.