Ако ги сакате возовите и романтиката што можат да ја внесат во патувањето, авантурата на животот низ „мини Арктикот“ дефинитивно мора да се најде на вашата листа.
Една од најпрекрасните железнички линии се наоѓа во Норвешка, тоа е Bergen Line или Bergensbanen.
Железницата е изградена во 1909 година и ги поврзува Осло и Берген, најголемите градови во Норвешка. Осло се наоѓа на источната страна, во близина на границата со Шведска, додека Берген е на западниот брег кој се протега кон Норвешка и Северното Море.
Низ прозорецот на возот можете да ги видите најневеројатните пејзажи, дивата и нескротена природа која ги издржува и најтешките временски услови.
Покрај тоа, Bergen Line минува низ популарните скијачки центри како Гол, Геило и Вос, места кои се актуелни за туристите во летните месеци.
Оттаму можете да се упатите кон бројни пешачки и велосипедски патеки, идеални места за активен одмор.
Bergen Line се протега на речиси 400 километри, возењето трае околу седум часа, а поминува низ точно 180 тунели и има вкупно 22 застанувања.
