Австралиската полиција имала необична интервенција откако момче успеало да влезе во машина за фаќање играчки со канџи.
Станува збор за тригодишниот Итан, кој бил во трговски центар во Бризбејн, Квинсленд. Како и секое дете, го привлекувала машината за фаќање играчки, во случајов со Hello Kitty играчки, но толку многу што нашол начин да се вовлече во неа, па се нашол во стаклениот дел.
Итан воопшто не се исплашил во оваа ситуација и изгледал дека одлично се забавува, но му била потребна помош од полицијата за да излезе од автоматот.
Случајните минувачи побарале од момчето да се пресели во аголот, а потоа полицаец го скршил стаклото и го извлекол од машината.
Неговата необична авантура навистина му донела играчка, иако тој не ја извадил со автоматизираните канџи.