Иако видливоста на патот беше добра, автомобилот Tesla Model 3 среде бел ден се закова во превртен камион среде автопат.
На автопат во Тајван се случи несекојдневна сообраќајна незгода кога автомобил Tesla удри во камион што веќе лежеше превртен на страна во левата лента за претекнување.
На снимките објавени на социјалните мрежи се гледа како белиот автомобил Model 3 јури директно кон превртеното товарно возило без воопшто да прикочи, ниту да го одбегне камионот.
За среќа, возачот во автомобилот помина без повреди, а според тајванските медиуми возачот на камионот изгубил контрола врз возилото претходно и тоа се превртило.
Сепак, се поставувапрашањето како можело да се случи вакво нешто на прав пат при одлична видливост?
Возачот на автомобилот Tesla се потпирал на опцијата автопилот и не внимавал на патот во тој момент, а технологијата го изневерила од засега непознати причини.
Ова не е прв случај автопилотот на Tesla да потфрли во детектирањето на неподвижни предмети пред возилото.