Еден сопственик на електричниот автомобил SU7 на Xiaomi доживеа непријатно искуство само еден ден откако го зеде своето возило и помина само 39 километри.
Xiaomi SU7 добро се продава во Кина, но многу клиенти имаа проблеми набргу откако нивните автомобили беа испорачани. Меѓу нив е и Вен, сопственик на светлосин модел SU7, чиј автомобил застанал по само 39 поминати километри.
Вен возел по автопатот на 5 мај, еден ден откако го зел автомобилот во центарот на Xiaomi во провинцијата Фуџијан, кога неговото возило ненадејно се исклучило. На контролната табла видел предупредување дека автомобилот ќе застане и дека треба да контактира со поддршката преку интернет. Потоа се појави друга порака во која се наведува дека погонскиот систем откажал и дека автомобилот не може да се префрли од режим на возење во „рикверц“.
Така, Вен остана на страната на патот и ја повика влечната служба. Дилерот не можеше да утврди што е проблемот, па автомобилот ќе биде испратен во фабриката за детална анализа и дијагностика. Но, сопственикот не го сака истото, туку целосно нов автомобил, што е невозможно бидејќи примерите кои моментално се произведуваат веќе имаат свои сопственици. Затоа, Xiaomi има намера да го врати целиот износ на клиентот со одредени надоместоци за трошоците.
Се проценува дека Xiaomi има произведено нешто повеќе од 10.000 примероци од SU7, кој беше лансиран пред неколку месеци. Клиентите досега се жалеа на проблеми со бојата, ефективноста на системот за влечење, како и на системот за итно сопирање AEB кој престанува да работи при брзини над 135 км/ч поради што е оневозможен до доаѓањето на over-the-air надградбата.