Загадувањето со пластика е голем проблем на модерното доба, а едно истражување од 2018 година покажува од каде доаѓа најголемото производство на пластика и воедно загадување.
Според истражувањето спроведено од Plastic Europe, најголем светски загадувач е Азија. Таму, убедливо најмногу производство на пластика и пластични производи доаѓа од Кина со вкупно 30% од светското производство.
Кога на кинеското производство ќе се додаде она на Јапонија (4%), земјите од поранешниот СССР (3%) и остатокот од Азија (17%), се доаѓа до бројка од дури 54% од целото светско производство на пластика. Тоа е дури повеќе од половина.
На второ место е Северна Америка со 18%, односно трилатералниот блок НАФТА на САД, Канада и Мексико. Потоа следува Европа со 17%.
Африка произведува 7% од светската пластика, додека Јужна Америка само 4%. Минимален учинок има регионот Океанија.
Мора да се напомене дека азиското производство, особено кинеското, во голем дел потоа завршува во Европа и Северна Америка.