Минхенски Баерн го победи ПСЖ во финалето на Лигата на шампиони и стана нов шампион на Европа.
Германскиот клуб стигна до титулата без ниту еден пораз во Лигата на шампиони, со еден гол, погодокот на Кингсли Коман, кој се покажа како кобен за францускиот тим, откако се најде на вистинско место и со прецизен удар со глава го матираше голманот Навас во 59-тата минута.
Баерн по шести пат се искачи на врвот на фудбалска Европа.
Победничкиот гол исто така беше и јубилеен 500. гол за германскиот клуб на турнирот.
Само Реал Мадрид со 567 и Барселона со 517 погодоци, имаат постигнато повеќе голови од Баерн во Лигата на шампионите.
