Минхенски Баерн ќе се соочи вечерва со Пари Сен Жермен во финалето од Лигата на шампиони што ќе се игра од 21 часот на стадионот Луц во Лисабон, Португалија.
Првпат по 2012/13 во финалето ќе се соочат двајца германски менаџери, Ханси Флик и Томас Тухел.
Судија на вечерашниот меч ќе биде Даниеле Орсато.
Германскиот клуб сака да се врати на врвот на европскиот фудбал по седум години отсуство, додека францускиот тим посега по трофејот првпат во својата историја.
ПСЖ и Баерн досега играле меѓу себе само двомечи и тоа во групната фаза од натпреварувањето, а еднаш и на пријателски турнир во САД.
ПСЖ досега нема играно ниту финале во Лигата на шампионите, а во Европа има освоено само по еден трофеј во поранешните Куп на победници на куповите и Интертото Купот. Баерн, пак, има по пет добиени и пет загубени финалиња во ЛШ.
Tifo Football направи анализа на тактиките, слабостите и предностите на двата клуба.