Американскиот претседател Џо Бајден изјави дека е „малку веројатно“ да ја посети Украина за време на претстојната европска турнеја.
„За време на таа посета, тоа е малку веројатно“, им одговори Бајден на новинарите кои го прашаа дали планира да ја посети Украина како дел од турнејата во чии рамки ќе оди во Германија во сабота на состанокот на Г7, а потоа во Мадрид на 28 јуни на самитот на НАТО.
Овие два дипломатски собира се одржуваат четири месеци по почетокот на руската инвазија на Украина.
„Тоа зависи од многу работи. Од тоа дали тоа им создава потешкотии на Украинците или не, дали тоа го одвлекува вниманието од она што се случува“, рече Бајден, додавајќи дека неколку пати неделно разговара со украинскиот претседател Володимир Зеленски.
„Ќе одам во Германија, во Шпанија, во Израел и во Саудиска Арабија, потоа ќе се враќам, веројатно директно“, додаде Бајден.
Американскиот претседател од 13 до 16 јули ќе ги посети Израел, Западен Брег и Саудиска Арабија.
