Од претходно беше познато дека актерката Марго Роби ќе се појави како Барби во новиот филм, а сега е познато и кој ќе биде новиот Кен.
Улогата на Кен ја доби 40-годишниот актер Рајан Гослинг, пишува Deadline. Иако веста не е потврдена, Buzz Feed пишува дека Гослинг е во преговори за улогата во новиот филм за Барби.
Рајан наводно првин ја одбил улогата поради други снимања, но на крајот се согласил да биде дел од проектот.
Режисерка на филмот за Барби и Кен е Грета Гервиг, позната по Little Women и Lady Bird. На сценариото работи и нејзиниот сопруг Ноа Баумбак, кој пред две години го режираше Marriage Story.
Снимањето за новиот филм би требало да почне кон почетокот на идната година, а други детали не се познати.
