Експериментот на Универзитетот Пердју докажа дека оваа нова боја може да одржува пониска температура под директна сончева светлина и да рефлектира повеќе ултравиолетови зраци.
Инженери од Пердју, САД, развија бела боја што може да ги одржи сите површини ладни - поточно, до 7,8°C постудени од нивната околина.
Исто така оваа „супербела“ боја рефлектира 95,5% од сончевата светлина и ефикасно ја рефлектира инфрацрвената топлина.
Бојата делува така што речиси не апсорбира сончева енергија. Може дури и да помогне во врска со климатските промени со тоа што ќе ја рефлектира топлината од Земјата во длабоката вселена каде што повеќе не може да влијае на нашата планета.
„Не ја преместуваме топлината од површината на Земјата во атмосферата. Само го отфрламе сето тоа во вселената, која е како бесконечен фрижидер“, вели Сјангју Ли, истражувач од МИТ (Технолошкиот институт во Масачусетс) кој исто така работеше на проектот.
За да ја докажат ефикасноста на нивниот нов производ, истражувачите од Пердју ја сликале нивната боја со инфрацрвени камери и ги споредиле со снимки на вообичаената бела боја, а експериментот покажал импресивни резултати.
„Инфрацрвената камера ви овозможува отчитување на температурата исто како што термометарот ќе ја измери температурата на вашето тело. Овие отчитувања потврдија дека нашата боја има пониска температура - и од околината и од комерцијални предмети“.
Експериментот покажа дека новата боја може да одржи пониска температура под директна сончева светлина и да рефлектира повеќе УВ зраци.
Сега, замислете дека оваа боја се користи во сите наши градови на сите згради и патишта. Тоа би бил навистина креативен начин за борба против глобалното затоплување...
