Bentley е бренд познат по луксузни и скапи автомобили, а еден нов модел чини само 550 американски долари.
Тоа е возило со три тркала и всушност е детска количка. Моделот Bentley Trike е опишан како „комбинација на елеганција, функционалност и високо прилагодлив дизајн“.
Количката е достапна во бои од палетата на Bentley и е наменета за деца стари најмалку една година.
Седиштето може да се ротира за 180 степени со само едно притискање на копче, а како што расте детето, потпирачите за нозе може да се прилагодат и на крајот да се отстранат целосно.
Тогаш се овозможува и пристап до педалите, така што количката има функција на количка и детски велосипед. Исто така е може да се отстранат потпирачот за грб, преклопниот заштитен капак, шипката и ремените.
Во зависност од возраста на детето, количката може да се трансформира на шест начини.
Инаку, тие се многу безбедни благодарение на задните сопирачки, безбедносните ремени со пет точки, браниците, нелизгачките педали и слично.
