Напаѓачот на Сасуоло постигна прекрасен гол синоќа против Интер, а замолкнувањето на „Џузепе Меаца“ воопшто не е реткост за него. Но, од неговите нозе уште повеќе страдал Милан.
Доменико Берарди продолжи со одличните игри против миланските клубови. Синоќа неговиот Сасуоло му гостуваше на непоразениот Интер и на полувреме губеше со 1:0. Прво во 54. минута Берарди одлично проигрувајќи го му асистираше на Недим Бајрами за израмнување, а потоа во 63. минута со прекрасен удар го постигна победничкиот гол.
Тоа за него беше осми гол против Интер во 16 натпревари во Серија А, со што Берарди има најмногу голови постигнато против „Нераѕурите“ од било кој друг играч што моментално игра во Калчото.
Но, Интер не е неговата омилена жртва за тресење мрежи. Всушност, тоа е неговиот сосед Милан, кому Берарди му има дадено 11 голови во 18 натпревари во Серија А. Еднаш на Милан му даде 4 гола во победата 4:3 во јануари 2014, како и хет-трик во 2015.
Берарди има и 7 пати асистирано за голови против Милан, а синоќа ја запиша 4-тата асистенција против Интер.
Да биде оваа статистика уште поинтересна, Берарди е всушност навивач на Интер. Јавно во неколку наврати кажал како од дете го засакал Интер и како целата негова фамилија се интеристи.
Најголема желкба му била да заигра за Интер, но од таборот на овој клуб ниту еднаш не покажаа интерес за него. Затоа, Берарди ќе ги казнува секогаш кога ќе му се пружи прилика.
Од друга страна, Јувентус скоро секое лето се обидува да го донесе, но како закоравен интериста Берарди не сака ни да чуе да го облече дресот на „Старата дама“. Летото 2013 откупи половина од неговиот договор со Сасуоло, а Берарди остана во помалиот клуб како позајмен. Потоа одбиваше да се пресели кај Јувентус, за на крај Сасуло целосно да го откупи.
Да биде чудно зошто Интер никогаш не го сакаше овој играч, станува збор за стандарден италијански репрезентативец со 25 настапи и 6 гола, а со „Аѕурите“ го освои ЕУРО 2020.