Европската комисија предложи употребата на сертификатите да се ограничи на 9 месеци од примањето на втората доза, а важноста на документот да не се продолжи доколку не се добие трета доза од вакцината против COVID-19.
Доколку овој предлог го усвои Советот на ЕУ, ќе почне да важи од 10 јануари.
„Сега е возможно да се додаде и бустер доза во сертификатот, а лицето кое ќе добие трета доза ќе се смета за целосно вакцинирано“, вели европскиот комесар за правда Дидие Рејнердс.
На конференцијата за медиуми во Брисел, Рејнердс нагласи дека научните докази покажуваат дека ефикасноста на вакцината опаѓа по 6 месеци од целосната вакцинација.
„Затоа кога станува збор за валидноста на сертификатот, предложуваме уште три месеци за давање на бустер доза. По 9 месеци сертификатите нема да се признаваат доколку не се добие и бустер доза“, вели Рејнердс.