Според многу патници, една од најдосадните работи со кои може да се сретнете за време на летот е врескање на бебе или дете.
Иако знаеме дека не можеме да ги обвинуваме децата дека се немирни, за некои оваа бучава го нарушува мирот.
Во обид да ги направи летовите што е можно попријатни, авиокомпанијата Corendon стана прва во Европа што воведе „зони само за возрасни“ во своите авиони. Според новото правило, на овие делници можат да влезат само постари од 16 години, а овој луксуз ќе чини 45 евра. Седиштата се наоѓаат во предниот дел на авионот.
„Веруваме дека оваа одлука може да има позитивен ефект и врз родителите кои патуваат со мали деца. Тие можат да уживаат во летот без да се грижат дали нивните деца прават премногу врева“, рече Атилај Услу од Corendon.
Сепак, судејќи според коментарите на социјалната мрежа Х, овој потег ги подели луѓето.
„Фала Богу, децата се само непријатност“, вели една личност.
„Би сакала зони во кои нема пијани и одвратни мажи“, коментира друга.
„Ова ги обесхрабрува луѓето да имаат деца. Не разбирам зошто некои луѓе толку ги мразат семејствата“, се прашува трет твитерџија.
Малезиската AirAsia, индиската IndiGo и Scoot Airlines од Сингапур нудат нешто слично наречено „тивки зони“, каде што патниците можат да најдат одмор доколку им треба.